Kumpulan Guguritan

GUGURITAN

Béntang caang tingtrim kalbu
jadi saksi rasa kuring
nineung akang nu paanggang
kadé lali kana jangji
anu dijieun duaan
nyorang bagja nu dianti

Aduh Gusti Mahaagung
rasa nineung dina ati
geuning karasa ayeuna
ditinggalkeun ku lalaki
pikeun ngudag cita-cita
sangkan nyugemakeun diri

Unggal peuting kuring tangtu
ngarep-ngarep engkang balik
ieu rasa nu dijaga
tuluy matri dina ati
ngan saeutik nu diteda
bisa patepung nya deui

Naha lila ieu waktu
hayang geura-geura panggih
henteu kabayang bagjana
lamun bisa nya papanggih
kuring daék nunungguan
saupama takdir Gusti

Muga naon nu dimaksud
ku Akang dianti-anti
muga bisa kalaksana
lantaran ikhtiar diri
muga bisa nya kahontal
alatan rido Ilahi

Kuring nulis dina buku
ieu gurit saban peuting
muga naon nu dirasa
ku kuring anu ditulis
bisa nepi ka salira
nu jauh anggang nya diri

Sok sanajan urang jauh
tapi padeukeutna ati
sok sanajan jarak anggang
cinta mah moal pahili
euweuh bisa ngahalangan
pikeun duriat sajati

Ieu gurit tangtu luyu
kabéh rasa anu nulis
nepikeun rasa kacinta
minangka hiji panggeuing
kudu loba nya ngadunga
sangkan takdirna ngahiji

Rumah tangga nu dituju
dua jalma nu ngahiji
ngarasa bagja di dunya
di akhérat tangtu deui
ngajalankeun nya ibadah
meungkeutkeun tali paranti

Ka Akang di tempat jauh
Enéng di dieu mah nitip
Muga salawasna Akang
ditetegkeun haté suci
nu diteda nya kahontal
muga urang panggih deui

Comments

Populér

Naskah Drama Barudak: Liburan di Imah Nini

Judul Drama : "Liburan di Imah Nini" Jumlah Pamaén : 5 urang (Nini, Siska, Rian, Bapa, Mamah, Ema) Téma : Kulawarga, kaéndahan alam, jeung ajén budaya. BABAK 1: Angkat ka lembur [Adegan 1: Dina mobil] (Sakulawarga nuju angkat ka bumi nini di Lembur. Bapa nuju nyupiran, Ema calik di payun, Siska sareng Rian calik di korsi jok anu tukang.) Siska : (gumbira) Néng teu sabar hoyong pendak hoyong ameng sareng Nini! Rian : Aa mah éngké hoyong ngala lauk! Mamah : (seuri) Mamah ogé sami, meuni sono pisan. Da lembur Nini sakitu pikabetaheunana. Bapa : Kadé nya, Néng sareng Aa kedah layeut. Ulah paraséa nya! (Adegan ngageser ka asup ka gapura Lembur kalayan sawah anu héjo sareng hawa anu seger.) [Adegan 2: Anjog ka imah nini] (Nini keur nungguan di hareupeun imahna anu basajan) Nini : (gumbira) Incu-incu Nini! Alhamdulillah gening tos dugi! Siska & Rian : (lumpat nangkeup nini) Nini, Néng sareng Aa sono pisan ka Nini! Nini : Nini ogé meuni sono pisan, meni tos jarangkungnya ayeu...

CARPON: Hukuman

HUKUMAN Ku: Anisa Putri Kulisik Doni nyaring bari rurat-reret ngagisikan panon. Ieu tempat téh ahéng, lain kawas sawarga tapi ogé lain kawas naraka. Euweuh seuneu, euweuh jalma anu keur disiksa, jeung euweuh iblis atawa sétan anu tandukan. Barang tanggah, bréh katingali di juru rohangan aya hiji lalaki anu katingali ngora jeung kasép, manéhna anteng diuk dina korsi goyang. "Wilujeng sumping, Doni," ceuk éta lalaki sabari imut semu sinis. "Abdi ngantosan anjeun." "Saha anjeun?" tanya Doni bangun ku heran, tuluy manehna hudang jeung nangtung bari rucam- riceum ngusapan beungeut. "Kuring? kuring téh Jagabaya Naraka divisi husus. Spésialis tukang salingkuh hahaha.” jawab lalaki éta sabari seuri, "Anjeun téh tamu VIP kami." sambungna. Doni seuri ngadéngé omongan lalaki éta. "Moal mungkin ieu téh naraka. Geuning kuring teu nénjo seuneu, teu nénjo aya siksa...

AUTOBIOGRAFI: Lalampahan Ngawujudkeun Impian

AUTOBIOGRAFI Lalampahan Ngawujudkeun Impian Wasta kuring Anisa Putri, gumelar 27 Méi 2003 di Cileunyi Wétan, Kab. Bandung. Ngaran Anisa asalna tina basa Arab anu hartina awéwé, ari Putri téh asalna tina basa Sansekerta anu hartina budak awéwé raja. Ngaran hareup kuring dijieun ku Aki, ari ngaran tukang ku Bapa. Ngan ari harti ngaran sakabéhna mah teuing, sabab kuring ogé baluweung. Tapi sapertina ieu anu ngajadikeun kuring téh feminim, resep pisan kana warna kayas. Nénéh kuring ti leutik téh Ica. Kuring téh budak cikal jeung boga adi hiji. Getih kuring téh asli getih USA (Urang Sunda Asli). Bapa téh urang Kab. Bandung, ari Indung ti beulah kulon nyaéta ti Kab. Bandung Barat. Indung kuring anu geulis, kulitna bodas jiga ci susu wastana Ai. Bapa anu kasép, kulitna jiga ci kopi namina Dadi. Adi kuring si bungsu wastana Shofiyah, sarua jiga kuring anu kulitna jiga ci kopi susu. Baheula mah, imah kuring téh di KP. Sentral, Kec. Cileunyi Wetan, Kab. Bandung. Kampung kuring tapel wates jeung ...

Anisa Putri

Search This Blog