Anisa Putri

  GUGURITAN Béntang caang tingtrim kalbu jadi saksi rasa kuring nineung akang nu paanggang kadé lali kana jangji anu dijieun duaan nyorang bagja nu dianti Aduh Gusti Mahaagung rasa nineung dina ati geuning karasa ayeuna ditinggalkeun ku lalaki pikeun ngudag cita-cita sangkan nyugemakeun diri Unggal peuting kuring tangtu ngarep-ngarep engkang balik ieu rasa nu dijaga tuluy matri dina ati ngan saeutik nu diteda bisa patepung nya deui Naha lila ieu waktu hayang geura-geura panggih henteu kabayang bagjana lamun bisa nya papanggih kuring daék nunungguan saupama takdir Gusti Muga naon nu dimaksud ku Akang dianti-anti muga bisa kalaksana lantaran ikhtiar diri muga bisa nya kahontal alatan rido Ilahi Kuring nulis dina buku ieu gurit saban peuting muga naon nu dirasa ku kuring anu ditulis bisa nepi ka salira nu jauh anggang nya diri Sok sanajan urang jauh tapi padeukeutna ati sok sanajan jarak anggang cinta mah moal pahili euweuh bisa ngahalangan pikeun du...

SUMANGET TOLABULILMI Rumpaka Lagu ti Walid Muhammad Taufik Hayu dulur reujeung kanca ngaji bagbagan agama urang ngalap berekahna neuleuman élmu-élmuna Hayu dulur reujeung kanca nyungsi élmu ti ulama tong lali cukcruk sanadna manteng dugi ka Rasulna Hayu dulur reujeung kanca niat ibadah ka Gusti gedurkeun sumanget iklas ngaji saréat ti Nabi

RARAKITAN Rarasaan mawa lakban Teu nyaho kalah katinggaleun  Rarasaan kasép pisan Teu nyaho aya cileuhan Cenah hayang ka Cianjur  Ulah poho bebekelan  Cenah hayang loba dulur  Ulah pisan sok delitan Hayang bisa numpak kuda  Judulna méh jiga  Krisna Hayang téh geura wisuda  Judul skripsi gé can boga Kamari indit ka Garut  Ayeuna ka Batu Karut  Kamari meuni camberut  Ayeuna mah meuni imut Keun cenah manéhna murel  Urang mah teu walakaya Keun waé pendek busekel  Urang mah loba duitna Hayang és entéh Mang Alan  Ngan kalah béak ku Inéh  Hayang téh geura liburan  Ngan kuliah asup kénéh Kamana angkatna peuting  Geuningan srangéngé sumping  Kamana bébéndé kuring  Geuningan digiwing ucing Mun imut ka babaturan  Kudu soméah téh pisan  Mun émut ka pangbalikan  Kudu gaduh bebekelan Mun urang rék ngala nangka  Kadé ulah anu ngora Mun urang alim c...

ÉKRANISASI CARPON JURIG GEDONG SÉTAN  KARYA KI UMBARA Ku: Anisa Putri   Tokoh: 1. Wildan: Mahasiswa. 2. Jaja: Sobat Wildan. 3. Pa Haji: Nu boga gedong kosong. 4. Emak: Awéwé lima puluh taunan. 7. Bapa Wildan: Bapa Wildan anu asalna ti lembur. ________________________________________ Babak 1: Kos Wildan (Wildan diuk di kamar kostna nu heurin. Muka dompétna, di jerona ngan aya sababaraha lembar duit.) Wildan: Duh.. duit sakieu mah ngan mahi jang dahar dua poé, jaba can mayar indekos. Urang kudu kumaha? (Aya nu ngetrok panto.) Jaja: (Bari asup) Assalamualaikum, Dan. Naha silaing asa ngalamun waé euy? Wildan: Teu kunanaon Ja. Ngan asa nyeri sirah. Jaja: (Seuri) Pasti mikiran duit indekos kan? Wildan: Heueuh Ja. Jaja: Mun silaing daék mah aya gedong kosong nu Haji Gapur di Bandung Kidul. Asal daék wé nyicingan, teu kudu nyéwa! Wildan: Ah teu percaya déwék mah, saha anu teu lebar boga gedong dipérékeun kitu. Sakieu di Bandung hésé jeung mahal imah téh.  Jaja: Aya sababna, cenah...

PAPARIKAN Inditna bari teu puguh Bari gantawang nyarékan Ulah ambek teu pupuguh Bisina gancang huisan Diuk dina korsi awi Ngalamun keur mawa tunggul Kabogoh ngan boga hiji Sésana cadangan hungkul Ka kidul ka Batujajar Kasasab lantaran poho Tong ngedul kana diajar Bisi teu boga kanyaho Lauk nila lauk sepat Di balong nya dipiara Lamun enya anjeun lepat Tong éra menta hampura Ngelék cabé anu beureum Na karinjang diiuhkeun Arék saré sugan peureum Sugan datang pitunduheun Aya kuya dina paré Dinu bala ditungkupan Haté bagja tibra saré Sabab teu loba pikiran Dugi ning ka Ciburial Sugan ukur ka Citatah Mugi pamingpin nu enggal Sing jujur ogé amanah Mun kembang eros diala Enggeusna montong dipiceun Lamun akang geus teu cinta Carioskeun tong ninggalkeun Nénjo kuya di muara Aya meri dina batu Di dunya urang ngumbara Ulah lali kana waktu Niat menta kulub jagong Dibérena kulub suuk Sipat jalma nu bedegong Teu nampa kana piwuruk

  Judul: Ujang jeung Nénéng Ku: Anisa Putri Tokoh: • Abah: Lalaki umur 55 taun anu basajan jeung wijak, tapi kalakuanana sok teu luyu jeung omonganana. Sok maké sarung jeung kopéah. • Indung: Awéwé anu teges jeung welas asih, umurna 50 taun. Sok make daster jeung tiung. • Nénéng: Anak awéwé hiji-hijina, 22 taun. Éraan tara daék campur gaul. • Ujang: Jajaka kasép ti lembur tatangga, umurna 24 taun. Bageur tapi sok salah, kalah mindeng pikaserieun.

Judul Drama : "Liburan di Imah Nini" Jumlah Pamaén : 5 urang (Nini, Siska, Rian, Bapa, Mamah, Ema) Téma : Kulawarga, kaéndahan alam, jeung ajén budaya. BABAK 1: Angkat ka lembur [Adegan 1: Dina mobil] (Sakulawarga nuju angkat ka bumi nini di Lembur. Bapa nuju nyupiran, Ema calik di payun, Siska sareng Rian calik di korsi jok anu tukang.) Siska : (gumbira) Néng teu sabar hoyong pendak hoyong ameng sareng Nini! Rian : Aa mah éngké hoyong ngala lauk! Mamah : (seuri) Mamah ogé sami, meuni sono pisan. Da lembur Nini sakitu pikabetaheunana. Bapa : Kadé nya, Néng sareng Aa kedah layeut. Ulah paraséa nya! (Adegan ngageser ka asup ka gapura Lembur kalayan sawah anu héjo sareng hawa anu seger.) [Adegan 2: Anjog ka imah nini] (Nini keur nungguan di hareupeun imahna anu basajan) Nini : (gumbira) Incu-incu Nini! Alhamdulillah gening tos dugi! Siska & Rian : (lumpat nangkeup nini) Nini, Néng sareng Aa sono pisan ka Nini! Nini : Nini ogé meuni sono pisan, meni tos jarangkungnya ayeu...